وصفتي لتطويل الشعر وتنعيمه وايقاف تساقط الشعر واعطائه اللمعان

السلام عليكم ورحمة الله زوار موقع مغربيات الأحباء اليوم نقدم لكم وصفة طبيعية لتطويل الشعر وتنعيمه وايقاف تساقط الشعر واعطائه اللمعان

ليوم جبتليكم واحد تخليطة من الزيوت جربتها انا والام ديالي ولقينا نتيجة زوينة كطول الشعر وتخلي فيه لمعة زوينة وتوقف تساقط الشعر ,امي لقات نتيجة من اول مرة انا من ثاني مرة , بدلنا الشامبو واستعملنا شامبو جونسن للاطفال لان مفيهش مواد كيماوية كثيرة مقارنة مع الشامبو العادي , طولت عليكم ..
المهم اول شيء تاخدو شوية الحرمل تقريبا معلقة كبيرة او معلقة ونص+شوية الخزامة+شوية الازير يكون اكثر من باقي المواد+شوية البابونج طحنو كلشي(ماشي ضروري يكون مطحون مزيان المهم يتطحن نصف طحنة) وغنضيفو ليه كاس كبير زيت الزيتون ,ونبقاو ملي نبغيو نستعملوه نصفيو القدر اللي بغينا لان الاعشاب ممطحوناش مزيان
اما باقي الزيوت غتشريوهم :
– زيت الخروع
– زيت الكوك
– زيت اركان
– زيت دابر املا

بالنسبة لزيت دابر املا ريحته زوينة غير هي مجهدة وملي كتغسلي مكتبقاش رغم اني فالانترنت قريت كيقولو الرائحة خايبة المهم انكم تاخدو الاصلي لان كاين بزآآف الاشكال فيه الاصلي هو اللي مكتوب بحروف ذهبية ومكتوب فيه الاصلي والعلبة جهة بالعربية وجهة بالانجليزية وكاين واحد اخر ايضا اصلي لكن مجربتوش اسمه زيت دابر املا الذهبي وصورة الاصلي هي اللي فالصورة اللي فيها باقي الزيوت

طريقة الاستعمال معروفة لكن انا كندير باللي زيت الكوك بوحدو وفالصباح كنخلط باقي الزيوت +زيت الكوك وكنشقق بيهم شعري مزيآان وكنخليهم 4 ساعات وكنغسلو.
نتمنى تستافدو من الموضوع واي سؤال مرحبا وجربوها وخاصة اذا جربتوها بنفس ماركات الزيت اللي فالصورة او كلهم يكونو من نفس شركة زيت الخروع يعني naturEsoi ,اما باقي الزيوت راه الاسماء واضحة والقريعة اللي مافيهاش اسم زيت اركان جابتولي واحد السيدة من اكادير كان فيه الاسم ولكن طار ومعقلتش عليه.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.