وصفة للي بغات الوسخ إخرج ليها فالحمام تدخل توحيد لون الجسم…

الوصفة فيها خمس مكونات
1- الحناء : القدر اللي يكفيك فجسمك يعني عينك ميزانك
2- الصابون البلدي
3- الخرقوم البلدي : ماتفوتوش معلقة صغيرة
4- الخميرة المعجونة : كذلك معلقة صغيرة
5- عصير حامضة او زوج حامضات

طريقة تحضير الوصفة لتوحيد لون الجسم
تخلط كل المكونات مع بعض حتى تتجانس مع اضافة الماء الساخن للحصول على خليط سائل نوعا ما
بالنسبة للبنات اللي ماكايبغيوش الحناء تصبغ ليهم فايدهم او الاظافر يستحسن يلبسو قفازات او فقط يعملو الڤيرني للاظافر اما الجسم مايخافوش ماكاتبقاش الحنة صابغ فيه
مللي كانشلل من الحنة كانعاود ندير الصابون البلدي ومللي تشللو غادي تلاحظو لون الحنة كايمشي مع ماء التشلال
عندآآآاكم تخلعو من الوسخ اللي غادي يخرج ليكم وكأنكم عمركم ما مشيتو للحمام هههه

واللي عندها شي حبيبات فالظهر او ليتراس غادي نأكد ليها انو غادي تهنى منهم ومافيها باس مرة فالشهر ضيفو للخلطة الداد مطحون غير شووووووية حيت الداد مسموم ماخصناش نستعملوه كل اسبوع

نتمنى نكون افدت اخواتي في الله بهاد الوصفة كيف استافدت انا منها وشي دعيوة خآآلصة الله يشافيني وجزاكن الله الف خير

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.