وأخيرا تهناي وقولي باي باي للكلف ومشاكل البشرة

السلام عليكم أخواتي الكريمات هادي اول مشاركة ليا معاكم كنت فقط كنسرق الوصفات ونجرب هههههههه
صراحة المشكل اللي كنت نعاني منو هو الكلف تاع الشمس عقدني كنت ندير وصفات كيختفي مجرد ضربني الشمس يرجع بسهوولة .
حتي نصحاتني واحد الصديقة بواحد لالة مولاتي الوصفة كلمة روعة قليييييلة فحقها منكدبش عليكم فالاول حكرتها وجاني العكز نجربها حتى دازت شي 9 شهور دبا عاد كلت الله انعلك الشيطان وجهي هو الاول.
المهم انا عارفا راسي طولت عليكم هدا فقط نوع من التشوييق .
الوصفة العجيبة والساحرة اللي خلات وجهي بلاارة
هياااااااا
القسط الهندي نعم اخوات انه القسط وما ادراك ما القسط الهندي
كتشريو القسط الهندي كدقوه مزيان من بعد ديروه فروبو حيت قاصح بزاف ليخصر ليكم الماكنة من بعد تغرببوه وتخلطوه مع العسل الحر وديروه فشي قرعة ، المهم كل وحدة ديرو وقتما حبات انا ككنوض فالصباح نطليه لوجهي ونخليه حتى نبغي نتوضا للظهر ونغسلو .قسما بالله الى في ظرف اسبوع تقريبا بان فرق وااااضح وضوح الشمس فنهار جمييل ههههه
بدون مبالغة وجهي تنقا وصفا وحتى الحنيكات رجع فيهم الدم ولاو غوز منحتاج مزال فغاجو هههه.
كنتمى اللي جربات هاد الوصفة تعاود لينا تجريبتها
وشكرا حبيباتي
ملاحضة : القسط الهندي غادي تلقايه عند العشابة راه هو عبارة عن أعواد كيشبه شوية لعرق سوس
وأخيرا تهناي وقولي باي باي للكلف ومشاكل البشرة

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.