هذا وقت التخمال والفكرة خطيييييييرة تسهل عليكم كل ما صعاب بالتجربة

بسم الله والحمد لله
العواشر هادي يا الحادكات المغربيات المتولات جيت نسهل عليكم مشكل التخمال ولكن ما تنساونيش بشي دعوة الخيروعلى رؤوسكم مَلك يقول ” آمين ولك بالمثل ”

الخرقة العجيبة !!!!!!!!!!!!

اكتشفت انها مااااااااشي فقط لمسح الغبار بل لها أدوار أخرى ادرجها على شكل نقط :

– تمسح الزجاج بشكل رائع مع أجاكس
– الأجهزة الالكترونية بكل انواعها سواء التلفزة او الثلاجة …الخ
– تنظف زليج الحائط والارضيات والجيغفليكس
– تمسح حواشي الشراجم اللي كيتركّن فيها الغبار
– الخرقة + معجون الاسنان تنظف لافابو الحمّام بشكل سريع ورائع
– كتمسح سطولة الحمّام وتتوغل في كل مكان
– تنظف المرايا والثريات
– تنظف الكلافيي وداخل PC وخلفه غير بدوزة خفيفة
– تنظف الجدران بشكل لا يصدق
– تمسح الاحدية
– الخشب
– البوطاغاز + الفران
– حتى القلع ديال المائدة كتخليه كيضوي
– ميزتها انها ما كتخلي خلفها حتى ذرة من الشعيرات ديالها
– بعد التنظيف تهلاي فيها ..غسليها بصابون الحجرة او الصابون البلدي
ونشريها فالظل .. وما تقربيهاش للعافية لانها قابلة للاحتراق بسرعة..
يعني ما تهزي بيها لا مقلة سخونة ولا غيرها ..

وسيلة عجييييييييبة لرفع الغبار من الأثات بشكل يومي وهي ب 10 دراهم
دبا ضحكوا ومن بعد شريوها ومن بعد جربوها ومن بعد دعيوا معايا

اليكم الصورة :
هذا وقت التخمال والفكرة خطيييييييرة تسهل عليكم كل ما صعاب بالتجربة
دخلي يديك في الخرقة ومسحي الغبار من الجهة المشعرة وتشوفي الغبار تزول بمنتهى السهولة وتلتصق بالخرقة يعني الغبار ما يشمهاش نيفك وهذا مناسب جدا لمالين الحساسية كتمسح كلشي وبسهولة لا مثيل لها إما تدخلي يديك فيها او تفرقيها بالمقص باش تولي منديل عادي لكني افضل تبقى على شكل خرقة كيجي التنظيف ممتع وفين مّا دازت يديك تحيّد معاها الغبار.. خصصي الخرقة لمسح الغبار فقط باش تبقى الشعيرات قوية ورطبة ومن الأحسن شريها جديدة فقط لهذا الغرض كتباع عند العيالات اللي كيبيعوا خرقة الحمّام قرب مارشي جْميعة بدرب السلطان بالدار البيضاء.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.