مملحات برستيج غاية في اللذة … تصلاح في طبلة فطور رمضان

نحتاج العجين المورق ( سبق حطيت الطريقة) .
بصلة مشلضة .صدر دجاج مقطع مكعبات صغيرة . جبن محكوك تقريبا 200 غرام .بيضة للدهن ملح ابزار و سكنجبير و القليل من الزيت . و صلصة بيشاميل …
لتحضير صلصة البيشاميل نحتاج 2 ملاعق كبيرة زبدة .2 ملاعق كبيرة دقيق . نصف لتر حليب .القليل من جوزة الطيب محكوكة .ملح و ابزار
الطريقة :
نسرح العجين المورق رقيييق نقطعها على شكل اشرطة طويلة .ناخد الالمنيوم نحاول نلفه و نصمع منه شكل كما في الصورة اللي في الكومنت. نلف عليها شرائط باش نحصل على لفايف حال هدا الشكل نلصق الجوانب بالبيض . و ندهن الوجه ايضا ثم تدخل للفرن .ما نطلعها من الفرن حتى تتحمر و تكون العجين استوت و مقرمشة.
بالنسبة للحشو :
نحضر البيشاميل .في كاسرونة على نار ندوب الزبدة ثم نضيف لها الدقيق مع التحريك بسرعة بملعقة خشبية .حتى ينسجم تماما نضيف الحليب شيئا فشيئا و نستمر في التحريك حتى يعقاد البيشاميل .اول ما تحسو بيه بدا يغلى طفي عليه نضيف الملح و الابزار و الجوزة محكوكة فقط الكمية اللي تعطينا طعم زوين .
في مقلاة نشحر البصلة فشوية الزيت ثم نضيف لها الدجاج مكعبات صغيرة و الملح و الابزار و سكنجبير .و نشحر كلشي حتى يطيب . نخلطه مع البيشاميل و نضيف القليل من الجبن . ناخد لفايف العجين المرقة اللي طيبنا و نعمرها بالحشو و نسد الجوانب بالجبن المحكوك . و هاهي المملحات جاهزة.جربوها كتطلع روووعة .و بصحتكم

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.