لي مزال مجربات هاد الكيكة تنوض دابا ديرها، هاد الكيكة لقات نجاح كبير

نعبرو بكاس أتاي
2 كيسان سميدة رقيقة + 1 كاس حليب + 1/2 كأس زيت + 2 خمارات حمرين + 1 فاني + قبصة ملح + 1 ملعقة كبيرة سنيدة + 1 بيضة + ثلث الحليب غادي نخليوه حتى الاخير عاد نزيدوه حتى ترتاح العجينة حيث غاد تكون شربات الحليب الأول

طريقة تحضير كيكة السميدة سهلة فمقلة طيفال
نخلطو المقادير الأولى و نخليوها ترتاح واحد ربع ساعة ضروري نخليوها ترتاح، من بعد غادي نلقاوها شربات الحليب الأول كيفما قلت عاد نزيدو ليها الحليب الثاني.
نسخنو مقلاة ما كتلصقش بحال طيفال يكون القطر ديالها 22 سم
إلا كانت عندك وحدة كبيرة دوبلي المقادير، نعملو فيها 1 ملعقة زيت نكبو الخليط و نخلوه يطيب من الجهة الأولى 10 دقائق على نار مهيلة بزاف حتى نشوفو الفوق ما بقاش معجن نقلبوها بشوية و نخليو الجهة الاخرى طيب عاود شي 5 دقائق، راها كتنفخ شوية ملي طيب نوضعوها في طبق التقديم و نزينوها كيفما بغينا
وهاهي كيكة السميدة سهلة فوق البوطة واجدة وبالصحة والراحة

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.