كوتي ساهل دنااب لي مكيخطانيش وكيكة بالحامض ممممم

دنااب :
اول حاجة كديري نصف لتر حليب واحد دانون فاني وكأس عنبة سنيدة واحد فاني وكتخطي كلشي فالمولينكس مزيان.
تم كتاخذي كسرونة كديري فيها نصف لتر ماء وكأس عنببة نيدو – حليب غبرة – او ساشية كتباع ب خمس داهم فوق العافية حتي يغلي منبعد كتاخدي كوكوت وكتكبي فيه الخليط الاول وكتزيدي عليه الخليط التاني وهو سخون يعني من البوطة لكوكوت وخلطيهم وسدي عليهم وديري الصفارة وغطيها بشي مانطة وديرها فشي بلاصة دافية وخليه واحد ستة ساعات او ليلة كاملة علي حسب الجو من كتحلي عليه كتلقايه عاقد حركيه وكبيه فشي قرعة وديريه فالثلاجة حتي يبرد وبالصحة والراحة.

كيكة بالحامض :
إليكم المقادير بالترتيب
4 بيضات وقبصة ملح + 2 كيسان سنيدة + قشرة حامضة محكوكة + 1 كاس زيت + فاني + 1 كاس ديال عصير الحامض + 2 خمارات
الدقيق حسب والافضل تكون ماتقيلاش بزاف باش تجي هشيييييشة
المقادير عادية ولكن مذاق الحامض كايميزها وكل من كلاها كاتعجبو حتى الوليدات ماكاتبقاش حتى لاغد ليه وراه الا كانت بايتة تكون أروع.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.