فكرة واعرة وجد راقية للجفاف والميناج بأسهل الطرق

* اول حاجة كنستعمل القراعي ديال منظف الاواني من بعد ماتخوا كنعمرها بالخليط ديال الما وسانيكروا وكنرش الدار وندوز الجفاف.هاد الطريقة اقتصادية ومكتخليناش نرشو بالجهالة ونقيسو الخشب (les meubles ) لي عندنا فالدار بالما ويخسر.
وكنسعمل هاد القرعة ايضا فحاجة اخرى هي اني كنخلط فيها مسحوق أريـــــــال وجاڤيل والماء وكنرش بها الطواليط والبينوار اعزكن الله كيبقاو ديما نقيين بيضين ومعقمين.
ثاني حاجة فكرة الجفاف شفتها فالمحلات التجارية وطبقتها.
كناخدو فوطة مابقاتش صالحة للاستعمال ولا شي توب
مشابه للفوطة ونقطعوه على قياس الكراطة ونخيطوه من الجناب ونديرو ليه لاستيك باش ايلا لبسناه للكراطة مايبقاش يتحيد كل شوية.
ايلا ماكاينش لاستيك ممكن تعوضوه بالخيط يعني تلبسو الكراطة وتجرو الخيط وتعقدوه.
ويلا ساليتو من الجفاف ديالكم غسلوه ونشروه هاكا يبقا ديما نقي ومافيهش ريحة خايبة.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.