فكرة هائلة سباكيتي على شكل بيتزا متشبعوش منها

المقادير
باكية سباكيتي الحجم لي حبيتي المهم ما تتعدايش سمك لكراتان 2 او 2.5 + صوص بيتزا + 2 بصلات مشلظين رقاااق و2 فصوص ثومة + 2 طماطم مقطعين + ملعقة كبير ة ماطيشا ديال الحك + كاس ماء متوسط + ملح + كمون ايييييه كمون دوقي ور دي عليا لخبار + زعتر + طون + فلفلة مشحرة شوية + زيتون مقطع

طريقة تحضير
وجدي لاصوص ..شحري البصلة والومطيشا ديال الحك مخلطة مع اللوازم لي هي ماء وملح وشويش كمون
خلطي كلشي وقاديها خليها جانبا تبرد شوية وزيدي الزعتر مطحون
صلقي سباكيتي وصفيها وزيدي ليها 2 معالق مايونيز و2 معالق كريم فريش و2 فرماجات لفاش لي ديما ضاحكة ههه
حطي الخليط في المول وبداي التزيين حطي اولا صوص البيتزا لي وجدتي وفرتتي عليها الطون وزينيها بالفلفة مشحرة شوية وزيتون مقطع وفرماج محكوك
ممكن تحطي اي حشوة تفظلها عائلتك طبعا
فكرة هائلة سباكيتي على شكل بيتزا متشبعوش منها

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.