عندك شي ريحة طلعات ليك في راسك وبغيتي تلوحيها ؟؟ أجي نوريك أش غديري بيها

شحال من وحدة فينا تتشري شي ريحة و تتملها او تتجيها كادو و ما تتناسبش الذوق ديالها..
فتتبقى ديك الريحة غير معمرة الكوافوز بلا فائدة !
الطريقة : غتاخذي ديك الريحة و اما تجيبي كلينيكس او ورق المطبخ، او زيف حياتي، أو تاخذي شي أطراف ديال شي حاجة من الملابس ما بقاتش صالحة لا لك و لا لغيرك انا كانوا عندي شي ملابس داخلية جابوهم ليا في الخطبة و مكنلبسهمش حيت ماشي ذوقي و قلت فهادي غينفعوني ههههه, و تقطعيهم على شكل مربعات او الشكل اللي بغيتي و رشيهم بديك الريحة حتى يحمدوا الله مشي غير رشيشة خفيفة.
هم فاش ينشفوا تكون الريحة عاطية فيهم مزيآآآآآآآآن. ايوا الالة غتجيبي المخاد اللي عندك و تحليهم
و تحطي هذاك طرف او جوج في وسطهم على حسب المخدة كبيرة او صغيرة..و طريفات اخريين تقدري تزيديهم فالركاني أو تحت من الطلامط و بالنسبة للفوطويات نفسس الشيء و دكي الشرويطة مزيان تتغبر ..صدقوني الا درتيها فكل المخاد ديال البيت اي واحد دخل غيشم الريحة زوينة..و اللي تتعاني من الرطوبة او بغات تعمل احتياطاتها تقدر تزيدي معهم كموسات فيهم الخزامى و الورد طبعا ضد الرطوبة و هنا تضربي عصفورين بحجر. نفس الطريقة بامكانك تديريها حتى للمخاد ديال بيت النعاس و الضياف طبعا.
نتمنى طريقتي تعجبكم

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.