عندك الصدا في الثلاجة أو ماكينة التصبين هاهي الطريقة باش تزوليه بكل سهولة وبالمراحل المصورة

درت شحال على هادوك البرودويات، و دروكري اللي نسولو يقول ليا

و في الأخير مشيت ل Mr Bricolage ما لقيتش نفس البرودوي ديال Bombe degripant ماركة ASMACO و لكن لقيت واحدة بحالها و خديتها، تدير 75 درهم و لكن لقيت Bombe de peinture خاصة بالثلاجات و ماكينات الصابون، خديتها ب 59 درهم
كيما شرحت من قبل تنحتاجو الجيكس الرقيق ديال النحاس اللي متيخدش الأسطح، غا قبلو على جيكسي مكرفس، لوحو زعمة و ورق الألمينيوم و سكوتش الصباغة، أنا ما حتاجيتوش لحقاش جاتني البلاصة اللي فيها الصدا في الحاشية، جورنال باش نحميو الجهاز ديالنا، و هادوك جوج منتوجات
هاهما عن قرب
كما شرحت من قبل، حكيت بهاداك الجيكس و أوني حتى تعرات البلاصة مزيان لحقاش را تيكون الصدا حتى من تحت البلايص اللي منفوخين، من بعد حكيت مزياننننننننننن بطرف ديال الألمنيوم اللي طويتو شحال من مرة حتى طار الصدا و لكن باقي اللون ديالو
من بعد استعملت ديكريبون، رشيتو و خليتو واحد نص ساعة و من بعد مسحت مزياااااااااااااان، راه إلا منشفتوهش مزيان ما غاداش تشد الصباغة
و في الأخير صبغت، عاودت كوش تانية من بعد أربع ساعات، را خاصها 24 ساعة باش تنشف
في الأخير نقول ليكم قراو مزيان هاد المواد قبل الإستعمال راهم قابلين للإشتعال و خاصكم تخزنوهم في بلاصة بعيدة على الحرارة.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.