طريقة جديدة ورائعة باش طيبي وتحمري الدجاج

نبداو على بركة الله
المقــــاديــــــر :
حاجتنا دجاجة تكون كبيرة شوية و تكون مغسلولة مزيااان ليلة قبل و تكون مدهونة بالملح و نخليوها فيها ليلة كاااملة و لغد ليه عاد غنطيبوها + بصلة كبيرة + حزمة صغيرة ديال الربيع + نص حامضة مصيرة ناخدو منها غير اللب و القشرة نخليوها للتزيين + شوية السمن و الزعفران حر + شوية الابزار و السكين جبير و الملح و التومة مدقوقة تقريبا شي 3 ديال التومات + شوية الزيت البلدية أو العادية

الطريــــــقــــــة :
ناخد الربيع مقطع و لب الحامض و التومة مدقوقة و الملون العدائي و شوية الابزار و سكين جبير و شوية الماء باش نخلطو هاد العناصر
و ناخدو الدجاجة نشللوها مزيااان من الملح عاد ندهنوها بالتشرميلة و خاص الدجاجة تدهن مزياان بالملون الغدائي بيه باش في التحمار يخرج لون زوين ونخليوها شوية تشرب ***وفي الشرمولة نديرو شوووووووووية الملح صاافي منكتروش *** و منين تشرب شوية نديروها في كاملية من الاحسن و متكونش وااااسعة بزاف ***منسدوووش عليها في الكوكوط ***
و تشلض عليها البصلة و نزيد اللي بقا من الشرمولة و نزيد الزعفران ***الزعفران نديروه في المرق *** وشرمولة تنديرو الملون الغدائي و نزيدو الزيت البلدية و شوية الابزار و سكين جبير منقليو ما والو فقط نزيدو الماء الكافي تقريبا حتى تبدا تغطا الدجاجة
و لكن الكاملية موسعاش بزااف يعني مغنهزش لينا الماء بزاف غتكون ضيثة شوية باش الماء اللي غنديرو غيغطي شوية الدجاجة بلا ميكون الماء كتير بزااااف نتمنى تكونو فهمتو هاد النقطة
و الملح منديروهش في المرق و نسدو الكميلة بي غطاء نكرر ماشي كوكوط يعني منسدوش عليها بحال الكوكوط إلا طيبنا في الكوكوط فقط نحطو الغطاء عليها بلا منقفلو باش متحلش الدجاجة و نشعلو البوطة و نخليوها حتى طيب و نحطوها بطريقة أن الصدر هو اللي غيجي من التحت و الضهر من الفوق منين دوز تقريبا نص ساعة نهزو الغطاء و نخشيو الموس في الفخد و الا خرج الماء راها مزال مطابت و الا مخرجش راها طابت و ردو البال المرق ديمة خاصو يكون كتير شوية باش متلصقش الدجاجة
المهم منين طيب نهزو دجاجتنا و ندخلوها للفرن تحمر من بعد مدهناها بالزبدة أو نقليوها في الزيت بحال الاعراس و تتجي ألذ ***طريقة باش نهزو الدجاج من الطاوة هي ناخدة شي مغرفة كبيرة ديال العود و نخشيو اليد ديالها في بطن الدجاجة من جيهت العنق و نحزوها ***
لاخضو في الطاوة بقا لينا المرق كتير شوية نزيدو فيه عنق و الجوانح و الكبدة و القلب و الكنصة و نغطيوها حتى يطيبو
و يتقلى المرق بحال هكدا عاد ندوقو الملح الا خاص نزيدو شوية
و منين تتحمر الداجة نحطوها في الطبسيل و نزيدو لاصوص و نزينو بقشرة الحامض و الزيتون
وبالصــحـــــة والـــــراحـــــة.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.