طريقة جديدة وحصرية لتحضير الدجاج رولي معمر مع الصلصة العجيبة

دجاجة من وزن 2 كيلو نحيدو ليها العظام حتى تولي بحال الهيدورة و نطرقوها شوية باش تسرح و نرقدوها في هاد الشرمولة : ياغورت طبيعي + ملعقة صغيرة ثوم غبرة إلى معندكش ممكن تعويضها بجوج فصوص ثوم محكوكة + ابزار + خرقوم + زنجبيل شوية كثيرة + ملعقة كبيرة من توابل الدجاج الخاصة متواجدة عند العطار + شوية تحميرة + ملح + عصير حامضة + ملعقة كبيرة صلصة الصويا + 3 أوراق سيدنا موسى + ملعقة زيت زيتون + ملعقة موطارد
نخلط الكل و نتذوق اذا ناقص ملح نزيدوه لازم تكون مملحة شوية ثم ناخد الشرمولة و نرقد فيها الدجاجة اللي زولنا ليها العظام و نرقدوها مزيان و نخليوها يوم كامل أو 5 ساعات على الأقل حتى تشرب الشرمولة مزيااان .
لتحضير الحشوة :
على نار نشحر بصلة مشلضة مع شوية زيت و كفتة و نقوموها بشوية كوزة محكوكة و ملح و ابزار و سكنجبير و قطع من الفطر و قزبور و شوية ديال الثوم و نطيبوها و نحتفظ فيها
ملي تكون الدجاجة ترقدت نجبدوها و نسرحوها و نحطو فيها الحشوة و حتى إلى بقات شي شرمولة نديروها وسط الدجاج و نلفوها بحيت كنلفو جهة الافخاد على الصدر باش اللفة تجي متساوية و ميكست بين لحمة ديال الفخد و الصدر ثم نعقدوها بشي خيط و نديروها في مول و نوضعو فوقها طراف تاع الزبدة و ندخلوها للفرن حتى تحمر و نزولو الخيط اللي عقدنا بيه و ناخد الصوص اللي طلقات الدجاجة في المول و نوضعوها فشي كسرولة على نار و نزيدو عليها شوية ديال النشا و نبقاو نحركو باستمرار حتى تغلى الصوص و تخثر و نقدموها مع رولي الدجاج .

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.