طارط بالكراميل والموز كذوب في الفم وبمكونات ساهلة

بسكوي + زبدة + نستلي كراميل + موز دردرت عليه قرفة او كنت درت عليه شوية حامض باش ميتبدلش لونو + كريم فريش + شكلاط مبشور

بسكوي طحنتو زت عليه زبدة مدوبة او سرحتو فالمول او مبعد دخلتو تلاجة حتى شد راسو دهنت نستلي كراميل او مبعد ستفت عليه البنان لي كنت رشيت عليه قطرات الحامض او دردرت عليه قرفة …طلعت كريم فريش طليتها مزيان او نجرت شوية شكلاط من لفوق دخلت هادشي تلاجة فاش شد راسو او دقتو جا بحال….تويكس بالبنان لذييييذ
كريم فريش خليها تبرد مزياااااان او تكون فشي حاجة مفيها تا قطرة دالما او طلعيها بالباطور بسرعة بقاي طلعي واحد ربعة دقائق ايلا كانت كريم مسوسة زيدي ليها سكر كلاصي او ايلا حلوة راه بعد تقريبا خمسة دقائق كطلع او تقساح

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.