صبغت شعري بالأكاجو و تفاجئت بنتيجة خيالية بحال شعر المشاهير…

كيما قريتو فالعنوان العنوان جربت واحد الوصفة ديال صباغة الشعر بالأكاجو و عطاني لون أكاجو + شعر رطب +لامــــــــــــــــــــــــــــــع و براق بزززززززززززززاف
و مبقاش ليا شعري مشنتف..دابا ولا داير بحال إلا صبغتو فشي صالون خمسة النجوووم…
كلشي تعجب من اللون و الشكل لي ولا فشعري و أنا براسي تبهارت و متياقتش و ديما كندعي لصاحبة الوصفة
ليل و نهار.. و أنا بدوري بغيت نفرح حباباتي و نشارك معاكم هاد السر :
مكونات الوصفة :
5 معالق ديال الحنة مدقوقة ماشي ديال الباكية.
عصير حامضة
2 ساشي نيسكافي
2 دراهم بابونج راه كيتباع عند العطار
2 معالق أتاي أو 2 ساشي ديال ليبتون
الطريقة :
أول حاجة كنغليو البابونج فالماء مع أتاي و نخليه يدفا،
نخلط نيسكافي مع شوية الماء لي غلينا فيه أتاي و البابونج
كنشدو الحنا وكنعصرو عليها الحامض و كنزيدو نيسكافي و نخلطوها بالماء لي غلينا فيه
أتاي و البابونج بشرط الخليط مخاصوش يكون قاصح و لا جاري بزاف.
صافي كتغطيه و كتخليه يرتاح 2 سوايع.من بعد ديريه لشعرك و باتي بيه.
إن شاء الله غادي يعجبكم و تبقاو دعيو معايا ديما …
و مكرهتش لي جرباتها ترد عليا…

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.