شكون ماكتصدقش ليها بيتزا تدخل بزربة

المكونات :
2 زلايف فورص + زلافة فينو جوج معالق نيدو ( اختياري ) + ملح + زعتر + نص كاس صغير زيت الزيتون + جوج معالق كبار خميرة دالخبز + جوج معالق سكر + ماء دافي

الطريقة :
بسبسو الدقيق مع النيدو والملح والزعتر والزيت ونديرو الخميرة مع السكر فكاس ماء دافي حتى دوب ونزيدها على الدقيق ونجمع بما دافي تكون مرخوفة شوية نخوي فوقها واحد ربع كاس زيت زيتون ونغطيها بالبلاستيك واحد ساعة تخمر ( بلا مادلكوها ) الزيت غدي يدخل فيها هو لي كيجياها رطبه صافي طلقوها بالدلاك ماتكونش غليضة وتقبو بالفورشيط طيب نص طيبه عاد عمروها كرصتها انا بالفينو
بالنسبه الطياب شعلو غير لتحت حتى تبدا تصفار وشعلو فوق ماتخلوهاش تحمر تبقا بيضا باش تجي رطبه
والجبن درت فروماج احمر وموتزاريلا
خاصها تبقا هاكا فالطيبه الاولى باش تجي رطبه البنات
بالنسبه الحشو كل واحد يقضي باش عندو انا ماعنديش كروفيت او كلمار درت غير صوص طوماط تقدو ديرو كيتشوب الى كاين ودرت فلفلة خضرا وحمرا شويتهم قبل وكفته وطون وفروماج احمر وموتزاريلا وزعتر.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.