شرمولة الحوت فــشــكاااااااااااااااال ولذيذة..خلات راجلي غير غادي جاي للكوزينة

عمرني ما شفت راجلي كيدير حوت السردين مقلي ساندويش في الخبز وياكلو
حتى البارح نهار وماطال كيمشي للمطبخ ويحل الخبز ويدير وسطو السردين
مسكين ما قدرش يقاوم لذة السردين المقلي اللي درتو
المهم شرمولة الحوت اللي ممكن تمشي مع اي حوت لكن انا درتها مع السردين منزوع الشوك وحوتة ملاصقة مع حوتة :
التحميرا
الابزار
الثموما 6 اضراس
الملح
الكمون شوية
مركز الطماطم
شوية ديال الحامض مصيّر
شوية زيت العود او الرومية
ربيع مكرد رقيق
واللي تحب الحرور تزيد شوية الهريسة
بطاطا خضرة واحدة او اكثر حسب كمية الحوت
انا درت بطاطا واحدة في كيلو ديال السردين
بطاطا محكوكة فالحكاكة رقيقة
إقرأ أيضا حيلة بسيطة لتجنب تشكل بخار الماء على زجاج السيارة الأمامي
نخلط كل العناصر مع بعضها ولا نظيف ابدا الماء
لان الزيت اللي درناه سيساعد على خلط العناصر
بالاظافة ان الماء كيمرّج الخليط وكيـبسْـلو
نديرو سردينة مفتوحة ونعمروها بشوية من الخليط ثم
نغلقها بسردينة اخرى ..ثم نفرغ ما تبقى من لبخليط على ظهر
السردين ..ونتركه يتشرب مزيان ..
وبعد مدة من الوقت
نمرغوها فالفورص ونقليها في زيت حام
ولكن في عافية مهيلة باش نخليوْ الفرصة
للبطاطا باش حتى هي تـُـقلى ..
اللذة ما نحكيش ليكم عليها اما القيمة الغدائية فعالية جدا تنفع الصغار والكبار.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.