سلو بلا حتى قطرة ديال الزيت ولا الزبدة صحي وفي متناول الجميع

أول حاجة حمرت الطحين عادي و من بعد ضفت ليه النواشف يعني القرفة و النافع و حبة حلاوة و المسكة الحرة و الملح و السكر الصقيل و انتم احرار ضيفولو الي بغيتو كنخليوه ناشف على جنب
انا درت كيلو تقريبا
ثم حمرت الجنجلان ،ثم اللوز تحمر شوية غير شوية
صافي وجدت القوام درت كلشي فعليبات و خديت الطوموبيل و فرررررر لحي السعادة هنا الدار البيضاء مشيت عند محال الي كيطحن اللوز
هاد المحال كيطحن اللوز و حتى سلو عندو ماكينة خاصة بيه
ملي عطيتو القاوم قالي بالي الطحين بزاف خاص الكمية تكون متساوية بين الطحين و اللوز و الجنجلان فها خدا غير نصف كيلو من الطحين الي وجدت و خلطو مع اللوز و الجنجلان و دارو فالمكينة و طحنو بلا زيت ولا زبدة نهائيا حتى قطرة و هكدا خرج من الماكينة بحال الكفتة
شفتو اللوز و الجنجلان طلقو الزيت ديالهوم و تخلطت الدقيق غير هو ملي كيتطحن كيخرج مليس بزاف ورطب بزاف الي بغاه هكدا يخليه انا بغيت تكون فيه المضغة ديال اللوز فا ملي وجدت ضفت ليه 100 غرام لوز محمر و مهرمش مع 100 غ جنجلان حتى هم محمر و مهرمش
و ملي خلطتو جاني شوية ميدم ضفت ليه 2 معالق كبار من الطحين الي بقى
هاهو واجد.
سلو بلا حتى قطرة ديال الزيت ولا الزبدة صحي وفي متناول الجميع

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.