ديري هاد الخلطة وضربي عصفورين بحجر واحد

اليوم جبتليكوم خلطة اقل ما اقول فحقها انك باعتمادك لها جميلتي غضربي عصفورين بحجر واحد غتهناي من حكان الثوم كل ماتحتاجيه وكدلك غتهناي من تقطاع الربيع
لهاد الخلطة غنختاجو
_قبطة نتاع الربيع انا كنخلط القزبر والمعدنوس ولك الاختيار عزيزتي يمكنك تستعملي المعدنوس بوحدو
_ ثوم
_ كاس زيت مخلط بين البلدي والرومي وهنا كذلك لك الاختيار تستعملي غالرومي بوحدو
_ملح حسب الرغبة واثناء الطبخ ديري بحسابك الخليط فيه ملح
عنفصصو الثوم ونقطعوه غليض مكيهمش شكلو فالتقطاع ونفش الشيء فتقطاع الربيع
نطحنو كل العناصر فمونينكس
ونديروه فقرعة نحتافظو بها فالثلاجة كتبقا اكثر من 15 اليوم مكيوقع لها والو
كلما كنبغي نوجد شوصفة كنحرك الخليط بملعقة عاد كنخد الكمية لبغيت و انا غالبا كنستعمل ملعقة او ملعقتين ولكن الكمية المستعملة كتختلف حسب كمية الطعام لكتوجدي وهاد الخلطة يمكليك تستعمليها فصوص البتزا فالطواجن سواء اللحم او الدجاج فعمارة المسمن الصراحة انا تقريبا كنستعملها فكولشي معدا الكسكس
نتمنا تجربوها وتردو عليا الخبار
اللهم ادمها نعمة واحفظها من الزوال

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.