دجاج هائل مشرمل معد للتجميد خاص بضيوف الغفلة

في بعض الاوقات يجينا ضيوف على غفلة و تجينا حيرة ما نعرفوش شنو نطيبو و في نفس الوقت نبغيو اكل يكون يحمر الوجه لهدا فان المجمد هو المنقد دائما نحضر اشياء تاخد لينا وقت كثير في التحضير ونحتفظ بها في المجمد من بينها الدجاج المحمر كنحضروه ونحتافظو بيه في المجمد توفيرا للوقت و الجهد

اليكم المقادير
كناخدو الدجاج ديالنا ونغسلوه بالحامض و الملح جييييدا ثم نحطوه يسقطر من الماء ليلة كاملة لازم يكون نااااشف من الماء باش ملي يطيب يجي فتي و رطب و تشد فيه الشرمولة بشكل جيد ثم في الخلاط نصع اوراق القزبر و المعدنوس الاوراق فقط بصلة كبيرة مشلضة عدد من ريوس الثومة عصير حامض زيت الزيتون زيت المائدة خرقوم ملون التوابل خرقوم عرق ابزار سكنجبير كمون وشوية قرفة
نطحن كلشي فالخلاط مزياااان ثم نشرمل بيه الدجاج ديالنا
ونخليه مرقد ساعة ومن بعد نحطوه في اكياس غدائية و نحتفظ بها في المجمد
الى حين الاستعمال
بالنسبة للكبدة و الكنصة نقظعوها قطع صغيرة و نشرملهم كدلك بنفس الشرمولة ونحتفط بيهم كداك في اكياس ملي نبغيو نطيبوهوم نعمل زيت في الطنجرة و نحط فيها بصل مشلض يتشحر مزيااان عاد نضيف شوية من الشرمولة و ملعقة سمن و زعفران حر ثم الدجاج ديالنا و الكناصي ونغطي عليه حتى يطيب من جهة و نقلب للجهة الاخرى و نخلي المرقة حتى تصبح مدغمرة راها كتجي رووووعة مريقة واقفة و بنينة و نقدمه بالصحة و العافية.
دجاج هائل مشرمل معد للتجميد خاص بضيوف الغفلة

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.