خبيزات معمرين ومقليين كل من داقهم كيطلب المكونات لي فيهم

العجين فيه رابعة فورص والملح ومعلقة كبيرة سكر و2 معالق زبدة ندوبوها ومعلقة كبيرة خميرة انا كانستعمل حبوب نخلط كولشي ونعجن غير بالماء تكون بحال دالخبز ماشي رطبة بزاف وماشي قاسحة قسموها على 2 كرات وخليوها تخمر شوية وخودوها سرحوهم بزوج والحشوة فيها بطاطا قطعىتها مربعات صغار وقليتها وصفيتها مزيان ودرتها فمقلة اخرى وزدت عليها التومة والربيع والملح والبززار ومعلقة كبيرة مايزينة ممكن تعوضوها بالطحين وخلطتها وعاد زدت كاس الاربع دالحليب وخلطت حتا حصلنا على خليط خاتر وحيدتو من البوطة وديك الساعة زدت الطون وشوية الفرماج محكوك وخليتها حتى بردات وتكاسكات وعملت منها كويرات وعمرت بيها كيف الصورة وخليتهم غير 10 دقائق وقليتهم وبدون مبالغة جاو مقرمشين من برا وطريين من الداخل نتمنى تجربوهم

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.