حرشة بالسميدة رقيقة ومحشية بكاوكاو والكوك ماتشبعوش منها تدوب فالفم

المقادير : 2 كيسان ونص سميدة رقيقة + كأس ونص دقيق أبيض + كأس سكر + كأس زيت + 4 ملاعق أكل ماء الزهر + خميرة الحلوة 15g + ملعقة صغيرة خميرة خبز + ماء عادي لجمع العجينة.

مقادير الحشوة :كأس كاوكاو محمر ومطحون نصف كأس سميدة رقيقة ربع كأس كوك 4 ملاعق سكر سنيدة ملعقة أكل قرفة مطحونة

الطريقة : أولاً نخلط مقادير الحشوة مزيان ونخليهم على جنب نخلط جميع النواشف مع بعض مزيان نضيف الزيت ونفرك الخليط مزيان نضيف ماء الزهر ونخلط الكل مزيان نضيف الماء شوية بشوية حتى تجمع لعجينة ملي نجمع العجينة نقسمها على زوج نبسط القسم الأول من لعجينة في المول لي غيدخل للفرن نوزع مقادير الحشوة كلها بشكل متساوي فوق العجينة نبسط القسم الثاني من العجينة فوق ورق الزبدة باش يسهل علي نقلبها فوق الحشوة نقلب العجينة فوق الحشوة ونبسطها مزيان ، ندير فوقها شوية كاوكاو محمر ومهرمش ( إختياري )كاوكاو ندخلها للفرن على درجة حرارة 180 حتى طيب
في الوقت لي تكون فيه الحلوة كطيب ، نوجدو السيرو نسقيها بالسيرو مزيان ونخليها حتى تبرد ونقدمها.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.