بيضي يديك و رطبيهم و حيدي التكماش و الله تا مجربة

السلام و عليكم و رحمة الله كيف داايريين لاباس عليكم

انا يا الغزالات كاننو يدي كوحل و مكمشين و حورش تقوليني كانخدمم فالبني ههه
ماععليناش نضت الالا درت واحد نص حامضة و 2 معالق دزيت الزيتون و 2 معالق الملحة و درتهم فقريعة صغيرة و مخضتهوم مزيان ولا ديريهم ف طبيسل و خلطي ايوا و دهني يديك فلبلايص لي كحلة و حرشة يعني ضهر اليد ماشي الكف و فركيي بصبعان داليد لخرى مزيان شحال ما قديتي شيي 5 دقايق انا فاش كانكون كالسة كانتفرج كانديرها باش كان تلها ايوا فاش تسالي عاود نفس الطريقة لاليد لخرى و خليها شوية على يديه هاكاك يتشربو شي 5 دقايق و نوضي غسلي ديك مزيان بلا صابون غي كاينشف اليدين ويلا عندك صابون دوف ماعليش غسلي بيه حيت هو كيزيد يرطب ايوا صافي فاش تغسليهم مسحيهم مزيان نشفيهم و دهني بااي كريم عندك ككيييفما ماكان نوعو صاااافيي هادا ماكن داوميها كل نهاار شخاسرة نتي كل مرة هزي من ديك القريعة اللي يقدك و اراك لفريك واجي تشوفي يديك كيغايوليو اانا دابا فرحاانة بيدديداتيي ديما كيشقشقة هههه ايو خليتكم على خير

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.