برنامجي اليومي لي خلاني نكون ربت بيت أنيقة و مميزة….

انا دايرة مذكرة هي للي نفعاتي قبل منعس كنقيد فيها كل لي خاصني ندير الغد وحدا كل شغغل كندير الوقت الاقصى لكل حاجة
وبرنامجي مقسم على 3 روتين للي كندير كل نهار واسبوعي للي كندير كل اسبوع وشهري
نجيو دبا للبرنامج الروتين وانا غادي نعاود ليك كيفاش كيدوز
كنوض مع 5و45دق كنقرا اذكار الصباح وكندخل للحمام كنجمعو كامل كنغسل الطواليت ولفابو وبينوار كنجفو ونتوضا ونخرج نصلي هدا مكنفوتش 10 دق انا دايرة رشاشة فيها جافيل والماء وسانيكروا وشوية تيد وحاطة فالدوش شيفون وبونجة كنرش نحك نمسح باش مكنضيعش الوقت فالشلال
كندخل الكوزينا كتكون 6و30 ككندير الماء اطيب او قهوة كنجبد اللحم من لفريكو باش دوب كنوجد الصنيا وللي غادي نحط لفطور كنمشي نطل على بيت لجلاس واش كولشي مقاد كنفيق راجلي كينوض كيكون نايض وصلا الفجر غير الا رجع تكا كنستغل الفورصة فاش هو فالدوش كنصيب الناموسية كيخرج افطر كنوض ولدي الكبير باش اوجد كنصوب نموسيتو كنمشيو نفطرو 10دق حتال 15 دق الا تعطلت مع ولدي كنجمع ماعن نلبس ولدي نحط ليه كوتي فشكارة كيخرجو بين 8 و8و15دق كنمشي كوزينا كنعجن كنخيه اخمر كندير اللحم والعطرية فالطاجين وهي كتشحر كنغسل الماعن كنقي الخضرا كنديرها للطاجين وكنغسل الماعن ونمسحهوم نردهوم كنقرص الخبز كنعاود نخليه اخمر كنجمع الكوزينا كنخرج من الكوزينا مع 9 كيفيق ولدي الصغير كنرضعو كنبدل ليه كنحطو فبارك العب كتكون 9او15دق كنلوح الخبز اطيب وانا كنجمع فالدار كنصبق الصالون كنجمعو الى مرون نمسح الغبرا وكندوز سبيراتور هادشي ف 10 دق بيت الجلاس،بيت ولدي، بيت النعاس ،الدووش،كذالك كندوز الكوزينة كنجمع الخبز للي كيكون طاب وكنجمعها فهاد اللحظة كتكون 10و05كندوز تجفيفة خفيفة و كنشوف المذكرة اشنو عندي فالبرنامج الاسبوعي للي فيه(صليح لحوايج،اولا نرتب مجورا ديال الدوش،بلاكارات بيت النعاس،بلاكار بيت ولادي ، بلاكارات كوزينة،غسيل شراجم ،مسيح حيوط والبيبان،مسيح الثلاجة،)كل نهار وبروكرامو
مع 11 كنكون سليت كنوج راسي وولدي الصغير باش نجيب و لدي من المدرسة كيخرج مع 11و30 كنكون فالدار مع 12 كيدخل الصندالة ،الشكارة ،فيستا ،…..كل حاجة خاص اردها بلاصتها كنحط ليه لغدا وكنمشي ندوش ونقاد حالي كيسالي كنغسل ليه ويجلس اتفرج كنعطي لغدا لولدي الصغير وكنجلس نلعب مع وليداتي كيجي باباهوم كيدي ولدي الممدرسة كيدخل مع 13 انا كنوجد الطبلة كنتغداو كيمشي راجلي اتوضا انا كنغسل الماعن ونمسحهوم كنمشي نتوضا نصلي كيمشي راجلي الخدمة كندير الحوايج اتصبنو كنعس مع ولدي شوية كنوض مع 15 كنبقشش شوية فالنت وكنخدم شوية كتوصل 16 كنمشي نجيب ولدي كنصلي العاصر كندخل الحواج للي نشفو وكنشر لوخرين كندير كوتي وكنصايب لعشا كنلعب مع الدراري كتوصل 18 كندوش لدراري كنصلي مغرب كنحط لعشا كنتعشاو كيمشي ولدي الكبير انعس كنغسل ماعن وندور بالدار نرد كل حاجة لبلاصتها كنصلي لعشاء وكندير ماسك لوجهي وكندربها بتدويشة ونجلس انا وراجل كتوصل 10 ككنعس
بروكرامي واضح هداكشي للي كتبت كيكون كل نهار كيختلف غير ف بروكرام الاسبوعي كل نهار ونهارو بحال غدا عندي بلاكارنا كنصايب فيه يعني ديك 45 دق بين 10و15دق و11 كنخصو للاسبوعي
نصيحة مني بغي راصك، دوري براسك، مرة مرة دوري جيهت المراية ،الكحل ميفرقش عينيك او كرايون، مرطب الشفاه ديما ففمك، انا كنعدلهوم من بعد كل وضوء مع 12 ندوش نبد حوايجي بشي حاجة مفركسة ومنجلسش الا الى متريح وديما الريحة بعد الدوش مشي فوق لعرق وريحة ثوم والبصلة هههههه …ديما فيك ريحة النقا ومتسنايش من زوجك اشكرك منين تقادي حالتك سيري حدا المراية ودلعي راسك مزيان (اخليك ليلي زين ديالي ،واو شحال زوينة هههه ……) نبدل هضرتي نرقيها،نقاد جلستي، نقاد مشيتي ،ليل نعس دراري نقاد الدار باش الى جلست نجلس مرتاحة نمشي للدوش نغسل وجهي مزيان بالصابون وماء شوة سخون باش نحل المسام ندير ماسك لوجهي بينما الماسك انشف نرتب الحمام وندخل ندوش بالخف ،نكحل، كلوص فالفم ،الشعر ممشوط، رويحة لبيسة زوينة ،ونمشي نجلس بعض المرات نمشي نجلس حدا الراجل…. أووووو بعض المرات نجلس نقرا شي حاجة نقاد ضفاري وخليليه مسافة باش اتمعن فالانوثة ديالي هههه… ولكين نهضرو الابتسامة متفرقش وجهك، نكون اخر وحدة اشوفها قبل ميمشي للخدمة طبعا مقادة مريحة باش ابقا مفكرك وهو فالخدمة واول وحدة تستقبلو .

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.