ايوا هادو هما لماسكات والا فلا ماسك قنبلة كيخلي وجهك بيض فحال الا دايرة الفوندوتان

0 282

هاد الوصفة معمرني قلتها للشي وحدة من غير خواتاتي وصفة واااااعرة تتبيض ليك بشرتك بزاف وكتغنيك على الفوندوتان ولكن الي خدات الوصفة امانة عليها تداعة معايا بتيسير اموري المهم
هاد الوصفة ديروها غير نتوما متعطوها للحتى حد متيحملكمش هههههه اكيد كنضحك
بلا منطول عليكم خواتاتي هي عبارة عن نصف خيارة محكوكة تزيدو فيه ملعقة زيت كليسيرين + ملعقة زيت لوز عادي + ملعقة ماء ورد يفضل تصوبوه انتوما انا خديتو نوضلي الحبوب حينت مزور من قلعة مكونة خيب الملعقة تكون صغيرة تخلطو هادشي وتديروه في مكعبات الي تنديرو فيهم الثلج وكل صباح او ليل الي بغيتي هزي مكعب وديريه في بشرتك وشوفي البياض الواعر كتليق للجميع البشرات ولكن ضروري الزيوت خدوهم فري الى كانو مزورين غادي ينوضو ليكم الحبوب يله الى دارتها بالصحة عليها البياض متنسواوش الرد والتشجيع راه باقي عندي الخير باش نحطو ليكم.

قد يعجبك ايضا

شاركنا برأيك لكي ترتقي بقلمك

لن يتم نشر عنوان بريدك الإلكتروني.