انا اول مرة نشارك حبيت نحكي ليكم قصتي المؤلمة

1 56

السلام عليكم
انا اول مرة نشارك حبيت نحكي ليكم قصتي المؤلمة
بدات في 2012 تعرفت على شاب مثقف و موضف حبيتو و كان اول حب في حياتي كنت نموت عليه اهله عايشين في الدار البيضاء و يشتئل بالرباط ….عرض عيا الزواج و قال نهاية السنة نخطبك من داركم و وثقت فيه ..كيف البنات سمعت الزواج قلت فارس الاحلام واحد النهار قال امي جات و بغات تعرف عليك قلت مافيها باس اوا جا النهار الموعود مشيت معاه في الطريق قال ليا نشربو شي حاجة و شربنا عصير و…من بعد درت لقيت الولد واقف بعيد و تيشوف فيا قلت ليه مائانمشيوش قال لا صافي راه مشا الحال انا تصدمت قال ليا اوا شوفي الساعة لقيت 4 ساعات دازت ااااااااااااااو قال اه راه =ال النعاس و مبئيتش نفيقك غدا نمشيو
اوا من تما تبدل عليا انا ملي مشيت للدار لقيت فيا الدم خفت تصلت بيه قال ليا مالكي حمقتي انا مقصتكش اوا قلت راه جاتني الحيض و قنعتي راسي وخا الشك قتلني ولكن الخوف من القصة خلني نكدبها انا سكت ومن تما الولد تقلب عليا قال انت اتهمتيني بالباطل و انا ناوي الزواج و المعقول ولا ا لاكان دارهاا ا بيك شي حد و بغا تلسقيها فيا خاب ضني فيك و انا الي اختاريتك من دون البنات و…………………………………………. ……… بزاف مقال و طوالت لخصومة حتى تقطعت اخبرو و تسدات نمرتو قررت نمشي لمقر خدمتو فين كنا تنتلقاو و ملي سولت عليه قالو ليا ماكاين تاحد بدا الاسم خدام هنا متيقتش و بديت نعيط عليه بصوت عاااااااااااااااااالي و الي ماشاف راه سمع و مشيت للمدير قال لي علامن كتقلبي قلتلو فلان قال لي واش توصفيه راه الاسم مكيانش عدنا ووصفتو ليه ووالو وبكيييييييييييييييييييت و تعاطف معايا قال لي تشربي شي حاجة ….قلت ليه هده الكلمة هي سباب بكائي و خرجت فحال المصدومة و 100 سؤال و سؤال كيدور في راسي و…………………..شنو ندير فين فارس الاحلام شكون هو او فاش خدام واش اسمو صحيح ولا تاهوا اوهام واقيلا انا كنت ضحية نصاب فنان في غش الناس و انا ضعتتتتتتتتتتتت
رجعت للدار منكسرة و مهزومة لمن نشكي همي حتى الشجاعة اني نمشي للاطبيبة نتاكد من اني مزال بنت مقديتش و بقات هكاك داااااااااااااازت الايام و بديت نتناسا الموضوع مع العائلة جاو ضياف اوا ضحكنا و خويا تزوج شطحنا و نسيت همي مشا كل واحد لحالو و بقا غي خويا واحد عزري مقيم بالخارج اوا واحد مرضت مرضة خايبة و تقطعت عليا الدم داتني امي للطبيب قال ليا تسمم خرجلي الدوا و جيت للدار من بعد شهور دزاد عليا الحال ووجع الضهر وشريت الدوا من فرمسيان وعيييت تا لوحد الليلة بديت كنشهد و خوتي و امي قالو صافي انا كنموت داوني للسويسي اخويا و امي و اختي اوا خرج الطبيب كيغوت واش الورة كتولد و انتوما جايبينها قسم غلط ++++++++++امي طاحت في بلاصتها و اختي بدات كتقول انا ولادة قال ليها البيبي راسو خارج ..الويييلي انا بيبي خويا كيقول لطبيب خرجوها ليا بكرشها ندبحها ……………….مقداش نكمل

ولدت ولد ولد من اب مجهول امي فقدات النطق و خويا كيتسناني حد باب المستشفى و انا في السبيطار عريانة مديا منلبس و حتى داك التربية و بالزربة تشنعت في السبيطار ام عزباء وانا في عداد الاموات و بداو يجيو عندي تعطيه لنا تبعيه لنا……انا حدي كنقول خدووووه مبغتوش مشي ولدي اختي الي وقفات معايا و بالزربة جابت ليا الحوايج و مشات عند خويا قالت ليه كون راجل شوف الي عطا الله عطاه واش نعطيو الولد لشي حد……..قال ليها لاهو ماليه تا دنب
داااازتت داك الساعات و مشيت دار اختي بقيت وبقا الس بيناتنا احنا 3 خوتي صععععاب و كيقوولي خويا قولي ليا شكون هو انا قلت ليه الي كنعرف و قلب عليه و ملقا ليه اتار ورجعت للدار باش العائلة متشكش و ولدي بقا عند اختي تانشوفو ليه شي حل امي سامحاتني من بعد معانا و خويا ت بنا ولدي قدام الفميلة و قدام الله وقال انا غلطت مع واحد البنت و هدا ولدي وكلاو لحمو بالهدرة و الانتقادات
اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااه علا هم
دابا انا عايشة وولدي معايا في دار وحدة وخوتي كيسحاب ليهم ولد خويا وهو ولدي ولدي انا وليت ام انا قلبت على الحب ولقيت الدمار و داب شكون يقبل يتزوجني وشنو نقول ولا نخدع الي يبغيني في الحلال ولا نسا فكرة الزواج واش انا اصلا مئهلا نفسيا نتزوج انا داز على الماسات عام و مزال منسيت وعمري منسا محد ولدي كيكبر حدايا وانا نتفكر
دعيو معايا دعوة من القلب دعوة خير انا محتارة ومعرفاش اشنو مخبي ليا المستقبل الله اعلم

قد يعجبك ايضا

شاركنا برأيك لكي ترتقي بقلمك

لن يتم نشر عنوان بريدك الإلكتروني.

1 تعليق

  1. أم حمد says

    اختي الكريمة قرأت قصتك و تألمت
    اعتبري اللذي مررت به درس و تجربة مريرة و الحمد لله ان اهلك لم يصفوك و ينحروك كما يقع في بعض الاسر
    و اخوك جزاه الله خيرا ضحى بسمعته من اجل سمعتك فلا تزيديهم آلاما بارك الله فيك
    بالنسبة للزواج فلا تيأسين من رحمة الله ان كان لك نصيب في الزواج فستتزوجين و ستجدين من يتفهم الوضع
    المهم ان تكوني استوعبتي مما وقع لك و توبي توبة خالصة فرحمة رب العالمين واسعة