الدجاج المحمر المعتمد عندي على طريقة الأعراس + الدغميرة مميزة جداا

تحضير الدجاج محمر على طريقة الطيبات ديال العراسات
3 دجاجات + البصلة + الربيع + الحامض مصير + الزيت الرومية والبلدية + العطرية
طريقة : أول حاجة كنشدو الدجاج كنغسلوه مزيان بالملح و الحامض و نقيوه مزيان من الداخل من بعد كنغسلوه مزيان و كنديره يقطر و كنشدو بانيو كندير فيه حامضة معصرة + البزار + القزبر + سكنجبير
كنشدو هاد الخليط او كنرقدو فالدجاج من الداخل و من برا ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة كنشدو الطنجرة كنديرو فيها الزيت البلدية + شوية ديال الزيت الرومية كيسخنو كنشدو البصلة كندروها فالطنجرة و كنخليوها تقلا كنضفو عليها المقادير التالية البزار + سكنجبير + الزعفران + التومة معصرة + القزبر + معلقة كبيرة ديال السمن + القلب ديال حمضة مسيرة الملح مكندروهش حيت الدجاج مرقد فيه كنضفو جميع المقادير فوق البصلة كنحركو مزيان ثم كنحطو الدجاج فالطنجرة و كننقصو البوطة و كنخليو البصلة تطلق الماء ديالها لي بيه كيطيب الدجاج على خاطرو
كنشدو لغلقة ديال الطنجرة او كنحطو فكها الزعفران شعرة يسخن مزيان توم كنحكوه بالكف ديالنا او كنديره فالدجاج او كنسد الطنجرة او كنخليو الدجاج يطيب
كنشدو لقشوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صينين او ما يتفرتتوش منين نضفهم على المرقة ديال الدجاج
من بعدما طاب الدجاج كنحيدوه او كنحطوه على جنب او كنرميو فالمرقة ديال الدجاج هدوك لقشوش بعدما صفنهم من الماء مزيان توم كنضفو الزيتون أنا درت الزيتون ديال الدار رقدتو أنا
كنبداو نقليو فالدجاج
كنخليو المرقة حتى كتشرب مزيان او توقف او تولي خاترة عاد كنطفيو عليها او كنشدو أجلوف ديال الحمض مسيرين كنقطعهم طوال او كنزوقو بهم الدجاج او بصحتكم او راحتكم.

[lightbox thumb=”http://lalasouma.com/news/wp-content/uploads/2016/01/Djaje-A3ras-1.jpg”]

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.