أوبرا كيك الرائعة لي تحمر ليك وجهك قدام ضيافك

اوبرا كيك :
* المقادير : 6 أبيض البيض + 180 غ لوز بودرة + 180 غ سكر كلاصي + جوج معالق كبار دقيق + معلقة صغيرة عصير الحامض
* السيرو : كاس سكر + كاس ماء + معلقة كبيرة نسكافيه
* الكناش : 150 غ شكولا (غيش) + معلقة صغيرة زبدة + 110 غ قشدة طرية (كاس عنبه ماعامرش)
أنا دوبلت المقادير
* كريمة الزبدة بالقهوة :6 أصفر البيض+ جوج كؤوس حليب (عنبه) + 160 غ سكر + جوج معالق نسكافيه + 330 غ زبدة بحرارة المطبخ

الطريقة :
نبداو بكريمة الزبدة
نسخنو الحليب وناخدو اصفر البيض نطربوه مع السكر حتى يولي ابيض ونبقاو نضيفو الحليب تدريجا مع التطراب بالطراب الكهرابائي حتى نكملو الحليب ثم نرجعوه الكاسرونة ونرجعوه فوق البوطة مع استمرار التحريق فوق عافية متوسطة بدون توقف حتى يوجد ( نهزو بالمعلقة وندوزو فوقها صبعنا الى دارت خط راه وجد ) ثم نزولوه من فوق البوطة ونضيفو القهوة ونطربو مزيان محدو سخون ثم نخلو حتى يبرد تماما عاد نضيفو الزبدة تدريجيا مع الخفق تقريبا 8 دقائق حتى الحصول على كريما نغطوها ونحطوها فالثلاجة

نوجدو دابا الكناش
نديرو القشدة تغلى فوق البوطة ثم نضيفو الشكلاط فاش دوب نزولوه فوق البوطة ونضيفو الزبدة مع التحريق صافي هاهو وجد نغطوه ونحطوه فالثلاجة

دابا الكيك
تاخدو كسرول فيه ماطايب وتحو فوقو الزلافة فاش غنطلعو ابيض البيض مع الحامض حتى يضبح مثل الثلج ثم نغربلو اللوز والسكر والدقيق ونضيفوه تدريجيا بدون مانطيحو ابيض البيض نفرشو ورق الزبدة ونفرغو الخليط ندخلوه الفرن درجة حرارة متوسطة راها دغيا كطيب تقريبا 10 دقايق

دابا وصلنا مرحلة المونطاج
نحطو طبقة من الكيك نسقيها بالسيرو ثم نضع طبقة من كريمة الزبدة ثم طبقة من البسكوي ثم نسقيها بالسيرو ونوضع فوقها طبقة من الكناش ثم الطبقة الثالته من الكيك ثم نسقيها بالسيرو ونوضع عاود كريمة الزبدة وندخلها الفريكو واحد ساعتين وناخد داك الكناش لي بقا نضيف فيه جوج ورقات جيلاتين فزقتهم قبل وعصرتهم ونحرك مزيان ونخليه يبرد عاد نخرج الكيك ونفرغ الكناش وندخلها الفريكو تشد راسها نخرجها نحيد لها الجناب فاش تبغيو تقطعوها خشيو الموس فالما سخون ومسحوه عاد قطعو فكل مرة خشوه فماطايب ومسحو عاد قطعو باش مايتخلطوش الطبقات

بالنسة الكمية
الكيك انا درت جوج وداكشي لي شاط ليا من الجناب هو لي عمرت بيه الطبقة الثانية

بالنسبه الكناش دوبلت المقادير
وبالنسبه اللتزين هي كتكون سامبل افضل والى عجبكم تزينوها كيبقا ليكم الاختيار والافضل تقطع حصص
وبالصحة والراحة

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.