أجي نوريك واحد السر يخليك تهناي من القدام الحرشين والقاسحين

بغيتو اتهناو من القدام الحرشين والقاسحين هده الوصفة مجربة مني شخصيا وانا كنكتب ليكم وراني داراها، سبق وجربت اسبرو مع الشمع وفازلين ولكن ماعطانيش النتيجة الي كنبغي، صدفة بالنت كنقلب وخرجت في هده الوصفة ،غير الله يحفظ لنولي مثل فئران التجارب ايوا هاهي الوصفة :
معلقة فازلين الطبي من الصيدلية ثمنه تقريبا 10 دراهم هو على شكل بومادا وقرعة اديالو خضراء وفيها الابيض مكتوب فيه فازلين اوفيسيال ، و1 حبة اسبرين اسبرين دقيه مزيآآآآان وخلطيه مع فازيلن معلقة وديريه في رجليك ليل كله والصباح غسلي رجلين بالماء دافئ وشي محكة زوينة ومن بعد ديري كريم مرطب، انا كنديرهم فبانيو وكنعمر عليهم بالماء دافئ ومعلقة صغيرة الملح الغليضة هدا غير زدتها حيث لقيت الملحة موجودة، ههههههه وكنجلس انحك فيهم اما بالنهار لما كنكون ماخداماش كنديروا بالنهار وكنلبس الميكة والتقاشر والعشية نغسل رجلية ونعمل ليهم كريم مرطب ونلبس التقاشر ، وبالليل مرة اخرى ادق واحد اسبرينة بالمهراز ونزيد عليها معلقة فازلين وندهن ونلبس التقاشر بالليل ماكانلبسش الميكة والحمد اتهنيت

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.