أجي تشوفي معايا كيف الحداڭة و التاويل في مصروف البيت و فالتقدية

الحداكة و التاويل في مصروف البيت و فالتقدية
بغيت نفتح هاد المنبر للاستفادة و تبادل الافكار و المعلومات من اجل تسيير البيت من الناحية المادية خاصة للمبتدئات او الاخوات لي مكيعرفوش اقتاصدو و كيساليو صالير ديال سي السيد فنصف الشهر و كيكملو الشهر بالكريدي
بغينا تجارب الاخوات لي قدرو انهم إوفرو من فلوس رجالهم و استطعوا افرشو ويقادو ديورهم
و الاخوات لي الصالير ديال رجالهم على قد الحال كيفاش كيكملو الشهر و شنو كيتقداو و شنو لي مكيتقداوش باش الاخوات لي ميسورات يستافدو إلى بغاو إوفرو
شكون لي قدرات من دخل بسيط انها تشري ماكينة د الصابون و اي حاجة هي محتاجة ليها و كيف دارت و شكون لي عندها شي قلوش كتجمع فيه هههههههه

كنتمنى من الاخوات التفاعل مع الموضوع لانه جد جد مهم
الموضوع ماشي الهدف منو نعرفو شحال كل وحدة كتصرف او شحال كتخلص او شحال كيعطيها راجلها
لا ابدا هذي كتبقى امور شخصية للكل الحرية فيها للي بغات تقول المبلغ المحدد لمصروفها لها كل الحرية و ايضا للي مبغاتش فهي حرة لاننا هنا مشي للمقارنة بين المبالغ شكون كتاخذ اكثر و اشكون كتصرف اكثر الهدف من الموضوع هو شكون كتعرف تصرف و تدبر مصروفها دون تبذير او اسراف كيفما كان المبلغ المخصص لذلك
و يجب ان نأخذ بعين الاعتبار عدد الاشخاص و الدول و المدن لان المعيشة تختلف من دولة الى دولة و من مدينة الى اخرى و احيانا حتى الاحياء
انتظر ارائكن و تجاربكن.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.