أجي تبعي معايا هاد الطريقة ديال مصروف الدار وإنشاء الله تشيطي الخير

الغزالات اللي كتشدو المصروف وحرتو بحالي لأجيو معايا نتبعو هاد الطريقة هاد الشهر على الله نقتاصدو شوية ونكونو حادكات بحال عيالات زمان راه حنا مبدرات بزاف واخا الزمان فرض علينا هادشي خاصنا نديرو كونترول كاين اللي حتى دابا راجلها تيعطيها مصروف النهار وتتشيط منو كاين اللي كل نهار ورزقو وماشيين مع الوقت تنبقاو نشريو من المحلات التجارية الكبرى على الأقل تنخسرو شي 1000 درهم الف درهم كاين اللي تيخسرها في شهر كامل في الاخير تلقى راسي مشريت والو غير حوايج تافهة دابة قررت كل نهار نخسر إن شاء الله 50 درهم بالخضرة واللحم والى خاصني شي زيت ولا سلعة نشري القياس ديال فلوس 50 درهم الدقيق البقال حداية الخضار كلشي الحمد لله نحيدو غير العكز منا والى شاط ليا شي مصروف من داك النهار نديرو في قرعة تنغلطو ملي تنشريو الستوك الشهر تيتقاضى قبل من الشهر تنصدقو خاسرين على الاقل 3000 درهم انا تنشوف ناس عايشين ب 2000 درهم هو الخلصة الشهرية وعايشين وتيوفرو إن شاء الله نتوفق في هاد الطريقة وحتى انتوما كل وحدة تقول ليا رأيها في هاد الطريقة وبالتوفيق للجميع.

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.