أجيو نتعلمو التاويل ديال بصاح : كيفاش نحافظو على جاذبية البيت و راحته

التاويل كلمة كنعني الكثير لكل مغربية و المغربيات معروفات بالتاويل و الحداكة و النشاط،كنلقاو سيدة موظفة و عرام دراري ومع ذلك جايبة راسها و منظمة وقتها،هذه هي المرأة المغربية دائما كتبحث على الجديد و المميز و ذوقها راقي و طموحها شامخ
هاد الموضوع كيهم كل سيدة بيت مغربية و عربية بصفة عامة يلا بغينا البيت يحافظ على الراحة و الطمأنينة و العتبة المباركة اليك هذه

الخطوات :
نفيقو بكري نعملو تجفيفة كل صباح بماء الملح هادي ديروها قاعدة لان مللي كنعسو كيكون عالم اخر ف الدار خاصة الى بانتو الماعن ماشي مغسولين ولا السراجم محلولين والرسول صلى الله عليه وسلم نبهنا باش مللي يجي المغرب نظظفو المنزل ونسدو السراجم والابواب على قبل الشياطين
خصكم تعرفو الشياطين وما جاورهم ماشي كيتلفوك على العبادات صافي راه كيجبدو ليكم المشاكل ويكبرو شحال مشكل صغير الى مشكل كبير بسبب الوسوسة و اضل حاجة طلق البقرة كل صبح وتشوفو النظافة الروحية لي غتحسو بيها
طريقة تنظيم الاثاث لها دور على راحة البيت تبعو معايا
صباغة المنزل
من الافضل تكون في البيج او الاصفر الدافئ باش الى شعلنا لبولة ف الليل متاثرش عينيا وهي الوان كتجيب الهدوء
الوان لي نصبغو بها الدار متكونش متنافرة خصها تكون منسجمة باس ميوقعش لينا تشتت ف تركيزنا

الأثاث :
المراة عمركم تحطوها امام السرير لان غتجيب ليكم التوتر والقلق خاصة الى نعستو بوحدكم كتجيكم كوابيس لان اللاوعي ديالكم محتفظ بالقصص الرعب المتعلقة بالمراة مهما وصلتو في درجة علمية
ممنوع وضع التلفاز ولا الحاسوب في غرف النوم لان مزال كيكون فيهم الكهرباء وكياثر على الدماغ مللي تكونو ناعسين وغدا ليه تصبحو عيانين على والو
ضرورة من سد غرفة النوم عند النوم باش تبقى حميمته ديما
الطاولات ختارو لي يكون على شكل دائري او بيضاوي حتى الى خديتوها مستطيلة تكون الحواف دائرية ماشي حادة
ها دشي لي سبق راه خطوط عريضة لي تكون ف الدار من ناحية الاثاث دبا ندخلو المعقول

غرفة الجلوس
هي غرفة الترباج والحرية المطلقة لافراد العائلة
اولا الفراش ديما خصو يكون بلون مغلوق وثوب كيصبر ماشي ثوب قطيفة لان هاد الغرفة خاصة بالاسرة واكيد الفراش كيتبهدل مع كثرة الجلوس وتزلاع المرقة عليها من قبل البز
لهاد شي من الافضل تعمليه فلون غامق باش حتى الى توسخ ميبنش لان مندبوش على ريوسنا ميمكنش نصبنو فراش هاد البيت يوميا ونفس الوقت منقدروش نشوفوه موسخ ونبقا جالسين الحل الذكي لن غامق باش حتى الى تطبع جوج طبعات ميبانوش ونميكو عليك نصبنوه مرة ف 15 يوم باش لونه ميمشيش وميحولش ونتكيسو على الصابون ولماء
بيت الجلوس فيه سدادر بفراشهم وسايد عاديين ممنوع وسايد الصغار ولا التكايات لان حنا مغديش ندخلو فها الضياف اصلا راها غرفة خصة بنا مخصش تكون معقدة بزاف ، وتكون طبية ساهلة للتشطاب وتكون بلون غامق شوي ماشي فاتحة لنفس السبب لان الزربية واعرة الصابون خاصة الى كانت تركية
التلفازة الى كانت بلازما نعلقوها ف الحيط الى كانت عادية نحطوها على طابلة بسيطة وانيقة ماشي يها بزاف الرفوف لي يجي يحط عليها حجرة الساعة تلفون مساك منعرف شنو
ندكم من فازات وورد ميكة موضة ديالهم قديمة بزاف بغيتوتزوجو قنات لي فيهم الطبلة حطو فيهم
فاز انيق سانبل ومصحف باركا كثرة الربوج معنداش معاهم
بالنسبة لتعطير الغرفة مكين محسن من التهوية الطبيعية لان المعطر كيتقب الرية وصافي ولا نستعملو المحلول لي صاوبنا ف القنوت
ونمسحو التلفازة والطابلو لي معلقينو ف هاد البيت بمحلول اخر
اجاكس (ماء الزجاج+ قطرات من عطرنا المفضل)
علاش كركزو كل حاجة نديرة فيها شوي العطر الخاص باش دارك تكون محفورة ف داكرة كل حد هاد العطر لي كنتي كتستعمليه غيبق ف ادهان الناس لي يعرفوك من عطر نسائي عادي الى عطر يرمز للتاويل والحداكة والنظافة
الطوابل ديال هاد الغرفة خصكم تعرفو حاجة ضروري تعملو فيها لاناب توب ومن فوقو الجلد لي ممسوح بهاد محلول (كاس ماء+ كاء ماء زهر+2 معالق حامض) قطرات فقط لان شحال من وحدة كتمسح الجلد ب كتانة مفزكة والله وتمشي تشمها غتشم ريحة الزفورية لان هدك راه جلد والماء كيخليه يتخزز
خصكم تعرفو الريحة ديال الدار كتاتر عليها هاد الحوايج الصغار

صالون الضياف
هاد الصالون كل وحدة وجهدها باش فرشاتو ولكن حاجة وحدة لي نتفهمو عليها كثرة الفازات مكين لاش+ يكفي فاز ف كل جهة ويكون انيق وراقي باراكا
لطابلة كتحط فيها فاكية ف صينيتها الخاصة نحطو بحال هكدا

غرفة النوم
بيت نعاس ضروري تكون نقية متجمعيش الكسوة الكسوة لي صبنتيها طويها وحطيها فبلاصتها ديما خلي غرفة النوم على شكلها الاول نهار تصاوبت طابل دونوي متكتريش عليه كثرة الربوج ونصيحة الى كنتي مزوجة متحطيش الماكياج على طابل دونويوقوة الكريمات لان كتعطي راجلك انطبا انك اصطناعية ومعندش تقة ف النفس
شحال من وحدة تحط كريم اساس الوجه العينين للهالات+ كريم مبيض+ كريم اليدين الاظافر الشفار بلا منحلف بصح غادي يشوفك ديما ناقصة البنات متوريوش اوراقكم كلها لرجالاتكم خاص تكون عندكم اسراركم الخاصة
غي تخيلو عجوزتك تبغي شي نهار دخل بيت نعاسك وتلق الاظافر والشفار وشوي الشعر وفوندوتان شنو النظرة لي تاخد عليك ايوا فكري
طابل دونوي حطي فيهم العطور+ كريم مرطب اليدين فقط+ مرطب الوجه+ جلوس واحد شي لاخر حطيهم فبواطة فمجر خاص به

الكوزينة
الكوزينة ديما نقية وكثرة الماعن ممنوع كيف قلنا شري على شكل اطقم كل حاة ليها طقم خاص
الفراشك ومعالق لي تشوفيه تبدهل مبقا ينفع معاه لا صابون لا والو رمي عليك حاولو تسخاو شوي وكونو عمليين
القطاني والدقيق بانواعه ديما حطو طريق ملحة حية باش ميتكوزش ليكم
البصلة والثوم نقيهمخلي عليهم قشور اللي يحميهم صافي+ شدي اوعية كبيرة رشيها بورق الننشاف+ ورصي البصلة وحطي تاني ورقة نشاف وضيفي مجموعة البصل ومن بعد ورق النشاف ومن بعد توم وهكدا
هاد الطريقة كتمنع تسوس البصلة والريحة والوسخ
الخضر مللي تجيبيها نقيها مزيان من التراب وحفظيها لي يصلح تلاجة حطيه ف تلااجة لي يصلح فمكان متهوي حطيه فيه مع نظافة شبكة الخضر
الثلاجة نقيوها البنات ومسحوها ديما من الزفرة ديال شي بيضة تكون طاحت ولا اللحم وعملو لها فراشها الخاص

ملاحظات :
ممنوع وضع شكارة ميكة في الثلاجة و حوايجكم نظموهم ف سوبيرات صغار
ومن الافضل يكونو نفس اللون وكل غلاقة كتبو عليها شنو فيها الداخل اما تعملو كثرة الالوان على اساس انكم غتعقلو على كل لون شنو فيه غتنساو او تلفو
بالنسبة ليا باب الثلاجة كنستف فيه البيض بعد منكون غسلتو بالماء وشيتة سنين نقية خاصة به نحكو من الوسخ والدم لي كيجي معاه
تحت باب التثلاجة كنحط قريعات صغار نقيين فيهم السمن الحار والحلو وكونفيتير وقريعة عسل
الرف الاول نخليه خاوي للحم او اي طبخة نبغيها تبرد لي لان الرف الاول كيكون اشد برودة
الرف الثاني كنحط فيه الحليب ومشتقاته في جهة واحدة والجهة الاخرى كنحط بواطة حاكة فيها المعدنوس مقطع لي غنستعملو في الاسبوع صافي اما الباقي كيكون فالفريكو باش ميخسرش وبواطة فوقو فيها قزبر
الرف الثالث ف شبكة مستطيلة نحط مطيشة وشبكة نحط فيها الخيار وشبكة فواكه مرتبين
المجورة واحد فيها البطاطة مغسولة من التراب ومنشفة
المجر الاخر الجزر وقرة خضرا وما تبقى من خضر صلبة
الفريكو كنحط فيه اللحم لي كيكون مقطع على الشهر هو والدجاج في ميكات ولكن الميكة كنلويها على اللحك مانخليش مية تشد لي مساحة وكنحطهم في شبكة شبكة فيها اللحم مقطع وشبكة فيها الدجاج مقطع
الحمص مرطب+ سفرجل مرطب+ الربيع مقطع+ كل حاجة فبواطة صغيرة+ مطيشة محكوكة ونربتهم وحدة على وحدة

قد يعجبك ايضا أكثر من مؤلف

شاركنا برأيك لكي ترتقي بقلمك

لن يتم نشر عنوان بريدك الإلكتروني.